సువార్త ప్రకటించుడి
"మీరు సర్వలోకమునకు వెళ్ళి సర్వ సృష్టికి సువార్తను ప్రకటించుడి". మార్కు 16 : 15-16
యేసుక్రీస్తు నామములో మీకు శుభములు దీవెనలు సమృద్దిగా కలుగును గాక !
సర్వ లోకమునకు సువార్త ప్రకటించాలి . ఇది ప్రభువు యొక్క ఆదేశం . ఎవరు సువార్త ప్రకటించాలి ? ఎవరి భాధ్యత
సువార్త ప్రకటించే భారం ఎవరి మీద వుంది ? సువార్త ప్రకటించే పని ప్రభువుని వెంబడించే ప్రతి శిష్యుని భాధ్యతగా
గుర్తించాలి . కొందరి మీద మాత్రం కాదు .
1. పౌలు సాక్షం . 1 కోరింథి 9 : 16
అయ్యో ! నేను సువార్తను ప్రకటింపక పోయిన యెడల నాకు శ్రమ అని పరిశుద్దుడైన పౌలు తన వేదనను వ్యక్తం చేస్తున్నాడు . ఈ రోజుల్లో సువార్త ప్రకటించే వారిలో కొందరి మనస్థత్వాలు గ్రహించితే వారికి సువార్త ప్రకటించాలానే భారమున్నట్లు కనపడదు . రోమా 1:14-16 లో సువార్తను ప్రకటించుటకు సిద్ధముగా ఉన్నాను . సువార్తను గూర్చి నును సిగ్గు పడువాడను కాదు అని పౌలు ప్రకటించాడు .
2. సువార్తను ప్రకటించే వారి పాదములు సుందరములు . యెషయా 52 : 7
సువార్తను ప్రకటించుచు సమాధానమును చాటించుచు సువర్తమనమును ప్రకటించుచు రక్షణ సమాచారము ప్రకటించు వాణి పాదములు , నీ దేవుడు ఏలుచున్నాడని చెప్పుచున్న వాని పాదములు పర్వతముల మీద ఎంతో సుందరములైయున్నవి . సువార్త ప్రకటించే దేవుని బిడ్డలు దేవుని దృష్టిలో ఎంత శ్రేష్టులో మనం గ్రహించగలం . సువార్త ప్రకటించే వారి పాదములే అంత సుందరములైతే వారి ముకము ఎంత మనోహరమైనదో కదా !
3. సువార్తను ప్రకటించేవారు జ్యోతులవలె ప్రకాశిస్తారు . దానియేలు 12 : 3
బుద్దిమంతులైతే ఆకశామందలములోని జ్యోతులను పోలినవారై ప్రకాశించెదరు . నీతిమార్గముననుసరించి నడుచుకొనునట్లు ఎవరు అనేకులను త్రిప్పుదురో వారు నక్షత్రములవలె నిరంతరం ప్రకాశించెదరు. సువార్తను ప్రకటించి అనేకులను నీతిమార్గములో నడిపించే సువర్తికుని పాదములు పర్వతములఫై మాత్రమే సుందరము కాదుకానీ నిరంతరం ప్రకాశించే నక్షత్రముగా దేవుని దృష్టిలో నిలిచిపోతారు . ఈ భాగ్యము ఇశ్రాయేలియలుకు లెదు. ఎందుకంటే వారు యేసు రక్తం క్రిందికి రాకుండా యేసుని నిరాకరించారు . కాబట్టి నశించి పోవుచున్న లోకానికి సువార్తను ప్రకటించే భాగ్యము దేవుడు విశ్వాసులమైన మనకే ఈ గొప్ప క్రుపను అనుగ్రహించాడు .
4. ఆజ్ఞ అతిక్రమమే పాపం. 1యోహాను 3 : 4
సువార్తను ప్రకటించే బాధ్యత నాదికాదు. ఆది సంఘాలు, సంస్థలు , సేవకులు చేయవలసిన పని అని సాకులు చెప్పే వారున్నారు . సువార్త ప్రకటించుట అనేది ఒక ఆజ్ఞ అని మరువ వద్దు. సువార్త ప్రకటించుటకు కదలిరండి . నశించి పోవుచున్న మన ఇరుగు పొరుగు వారికీ రక్షణ సువార్త అందించుట మన బాధ్యత సుమా !